11Желтоқсан2017

"Жебе" ақпараттық cайты

"Нұр Отан" партиясының жобалары

ОҢТҮСТІКТЕН ШЫҒЫС ҚАЗАҚСТАНҒА 50 ОТБАСЫ ҚОНЫС АУДАРДЫ

Жұма, 18 Желтоқсан 2015 15:05

 

Бұл туралы ОҚО Аймақтық коммуникациялар қызметінде өткен брифингте облыстық жұмыспен қамтуды үйлестіру және әлеуметтік бағдарламалар басқармасының басшысы Ә.Темірбаева мәлім етті. Елбасының халқы тығыз қоныстанған өңірден Солтүстік пен Шығыс Қазақстан облыстарына қоныс аудару туралы тапсырмасына сәйкес облыстан 50-ге жуық отбасы Шығыс Қазақстан облысына қоныс аударды. Ал жыл соңына дейін тағы бес отбасы көшпек. Аталған облыстарда келер жылы арнайы қоныс аударатын азаматтар үшін тұрын үй салу көзделуде. Нәтижесінде Оңтүстік өңірінен Солтүстікке қоныс аудару көрсеткіші жоғарылайтын болады. Басқарма басшысының хабарлауынша жыл басынан бері жұмысқа орналастыруға өтініш білдірген 55,9 мың жұмыссыздан, 40 мыңнан астам адам, немесе 71,7% жұмыспен қамту органдары арқылы жұмысқа орналастырылды. Елбасының биылғы жылы халыққа Жолдауында белгіленген бес бағыттың бірі – Жаңа әлеуметтік саясат. Мемлекет әлеуметтік саладағы әлсіз қорғалған азаматтарды өз қамқорлығына ала отырып, атаулы әлеуметтік қолдау тек мұқтаж адамдарға, олардың нақты табыстары мен өмір сүру жағдайын бағамдау негізінде көрсетілетін болады. «Облыста күнкөріс деңгейінен төмен тұратын 170 мыңнан астам немесе облыс халқынан 6,1 пайызы азаматтар бар. 2015 жылы 479 отбасы атаулы әлеуметтік көмек, 63427 отбасы 18 жасқа дейінгі балаларға арналған жәрдемақы алуда. Әлеуметтік көмек алушылардың қатарында еңбекке жарамдылар орташа есеппен 23,5 пайызын құрайды. Аз қамтылған отбасыларға әлеуметтік көмек көрсету үшін жергілікті бюджеттерден 5 млрд.теңгеге жуық қаржы бөлінді», - деді Ә.Темірбаева. Ал келер жылы зейнетақы, жәрдемақы, бюджет қызметкерлерінің жалақысы өсіп,  шәкіртақының да көлемі артпақ. Облысымызда жалпы 212 958 зейнеткер есепке алынса, 108 мыңнан астам мүгедек есепте тұрады.


ОҚО әкімінің баспасөз қызметі

577 рет қаралды

Пікір жазу