16Желтоқсан2017

"Жебе" ақпараттық cайты

"Нұр Отан" партиясының жобалары

АЛМАТЫ ОБЛЫСЫНДА 60 ГЕКТАР ЖЕРГЕ ЖЫЛЫЖАЙ КЕШЕНІ САЛЫНАДЫ

Бейсенбі, 07 Сәуір 2016 11:40

 

Алматы облысында Ауыл шаруашылығы кластерін құру бағдарламасы шеңберінде Іле ауданында 60 гектар жерге өндірістік жылыжай кешені салынатын болады. Бұл туралы облыс әкімі Амандық Баталовтың ресейлік ірі агроөнеркәсіптік холдинг «ЭКО-культура» және отандық «Green Land Alatau» ЖШС өкілдерімен кездесуі барысында айтылды.
«Алматы қаласында өткен кездесу барысында Алматы облысы әкімдігі мен «Жетісу» әлеуметтік кәсіпкерлік корпорациясы» ҰК» АҚ, «ЭКО-культура» агроөнеркәсіптік холдингі, «Green Land Alatau» серіктестігі арасында меморандумға қол қойылды», деп хабарлайды облыс әкімдігінің баспасөз қызметі.

Жылыжай құрылысының жобасы Мемлекет басшысының импорт алмасуды дамыту және азық-түлік қауіпсіздігі бағдарламасын жүзеге асыру шеңберінде жүргізілуде.

Өндірістік жылыжай - Қазақстандағы жабық топырақта көкөніс өсіруге бағытталған ірі ауыл шаруашылығы жобасы. Жобаға салынатын инвестицияның жалпы сомасы 75 млрд теңге көлемінде. Жобаның жүзеге асырылу уақыты: 2016 - 2022 жылдар.
Жобаны бірнеше кезеңмен іске қосу көзделіп отыр. Бірінші кезеңде аумағы 20 га, өндірістік қуаты жылына 15 мың тонна қызанақ өндіретін өндірістік жылыжай салынып, 260 жұмыс орны ашылмақ. Жылыжайдың бірінші кезеңі құрылысының құны 25 млрд теңге. Оны іске қосу уақыты 2017 жылдың 3 тоқсанына жоспарланған.
Жоба Алматы облыстық әкімдігі мен «Жетісу» әлеуметтік-кәсіпкерлік корпорациясы» ҰК» АҚ-ның қолдауымен жүзеге асуда. Бұл ресейлік «ЭКО-культура» агроөнеркәсіптік холдингі мен қазақстандық «Green Land Alatau» ЖШС-ның бірлескен алғашқы жобасы болып отыр.

365 рет қаралды

Пікір жазу