"Жебе" ақпараттық cайты

"Нұр Отан" партиясының жобалары

ОҚО ӘКІМІ БАҚ ӨКІЛДЕРІН МАРАПАТТАДЫ

Сәрсенбі, 29 Маусым 2016 06:33

 

Оңтүстік Қазақстан облысында «Байланыс және ақпарат қызметкерлері күні» мерекесіне арналған салтанатты жиын өтті.

Мерекелік шараға қатысқан өңір басшысы барша қаламгерлерді кәсіби мерекелерімен құттықтап, өңірдің қоғамдық-саяси, әлеуметтік-экономикалық және мәдени тыныс-тіршілігін бұқаралық ақпарат құралдарында жоғары кәсібилікпен жарыққа шығарып, қоғамдық сананы қалыптастыруға қосқан үлестері үшін алғысын білдіре келе, «Облысқа сіңірген еңбегі үшін» медалімен және облыс әкімінің грамотасын сондай-ақ алғыс хаттарын тапсырды.

«Журналистика – қоғамды тәрбиелейтін, оның санасын өзгертіп, өсіретін негізгі күш. Сіздер – Президентіміздің жасампаз идеяларының төңірегіне қоғамды топтастырып, ұлтты ұйыстыруға зор үлес қосып келесіздер. Алдағы уақытта да егемен еліміздің игілігі үшін жемісті еңбек ете берулеріңізге тілектеспін»,- деді облыс әкімі.

Жалпы бұл күні қоғамның дамуына айрықша үлес қосқан және журналистикаға еңбек сіңірген 100-ден астам қаламгарлер орден, медалдармен наградталып, алғыс хаттармен марапатталды.

Айта кетсек, бүгінде өңірімізде 253 бұқаралық ақпарат құралдары жұмыс істейді. Олардың 175-і газет, 48 журнал, 13 телеарна болса, 13-і сайт және 4 радио. Жалпы еліміздегі бұқаралық ақпарат құралдарының шамамен 30 пайызы Оңтүстік Қазақстан облысына тиесілі.

357 рет қаралды

Пікір жазу