"Жебе" ақпараттық cайты

"Нұр Отан" партиясының жобалары

ОҚО БАЯН-ӨЛГЕЙЛІКТЕРГЕ КӨМЕК КӨРСЕТТІ

Дүйсенбі, 25 Шілде 2016 14:12

 

Бүгін Оңтүстік Қазақстан облысынан төтенше жағдайдан зардап шеккен Моңғолияның Баян-Өлгей аймағындағы қандастарымызға гуманитарлық көмек жөнелтілді. 

 

 

Осыдан он күн бұрын Моңғолияның Баян-Өлгей аймағында орын алған жағдайға байланысты облыстың белсенді жастары өңір тұрғындарына үндеу жариялаған болатын.

Үндеуге үн қатқан алғашқылардың бірі облыс әкімі Б.Атамқұлов өз тарапынан қолдау көрсетсе, ал облыс әкімдігінің қызметкерлері бір күндік жалақыларын аударды.

Сонымен қатар, әкімдік көлік мәселесін шешуге, кедендік құжаттарды рәсімдеуге және басқа да ұйымдастырушылық жұмыстарға қолдау көрсетті.
Шекараның арғы жағындағы қандастарымызға облыс кәсіпкерлерінің демеушілігімен 7 тоннаға жуық ұн, 1 тонна макарон, 1000 банкі маринадталған қияр, 5000 дана шұлық және тағы басқа да азық-түлік тауарлары жолданды. 

 

 

Бұдан бөлек, облыс тұрғындарынан жиналған 3 млн. теңгеге зардап шеккен 5 отбасыға тұрғын-үй салу үшін құрылыс материалдары сатып алынатын болады.

Гуманитарлық көмекті Баян-Өлгей аймағына «Бізбен бірге» қоғамдық қорының төрағасы А.Аңдабаев өзі табыстап қайтатын болады.

Баян-Өлгей аймағындағы  ата-жұрттан селден зардап шеккендерге қолұшын беру үшін арнайы көмектер еліміздің әр түкпірінен ұйымдастырылуда.

Баян-Өлгей аймағы халқының саны шамамен 91 мың 470 адамды құрайды. Халқының 93 пайызына жуығы қазақтар. Моңғолиядағы қазақтары ең көп шоғырланған аймақ болып табылады.

 

ОҚО әкімінің баспасөз қызметі

861 рет қаралды

Пікір жазу