16Желтоқсан2017

"Жебе" ақпараттық cайты

"Нұр Отан" партиясының жобалары

ЖОЛ МӘСЕЛЕСІ ЖІТІ БАҚЫЛАУҒА АЛЫНДЫ

Жұма, 19 Тамыз 2016 17:36

 

Жол құрылысының сапасы – билік назарында.  Бүгін облыс әкімінің орынбасары Жақып Бөкенбаев пен қала әкімінің орынбасары Бейсенбек Жанбосынов Шымкент қаласындағы құрылысы жүргізіліп жатқан бірқатар көшелердің жұмысымен танысты.

Жыл басында ОҚО әкімі Б. Атамқұловтың тапсырмасына орай жергілікті бюджеттен қаржы қарастырылып, қаланың орталық көшелерін кеңейту жұмыстары басталған болатын. Осы аталған тапсырманың орындалуын қадалаған әкімдік өкілдері Тәуке хан мен Д.Қонаев даңғылы бойындағы жолдардың жөндеу жұмыстарын аралап көрді.
        

 

Қазіргі таңда қаланың орталық көлік қозғалысындағы маңызды бағыт—Тәуке хан даңғылы бойындағы  жол жиегіндегі арықтар, аяқжолдар мен пандустар жаңартылуда. Күрделі жөндеу жұмыстары осы жылдың қараша айына дейін жалғасын таппақ. Қуантарлығы, құрылыс жұмыстарына пайдаланылған қажетті материялдардың 95 пайызы отандық құрылыс өнімдері.
       

Айта кетейік, жалпы облыста 199 нысанда жөндеу жұмыстар жүргізіліп, 519,9 шақырым жол мен жолаяқ және 16 көпірді пайдалануға тапсыру жоспарлануда. Оның ішінде облыстық маңызы бар автомобиль жолдарының 153,1 шқ. күрделі және 147,9 орташа жөндеуден, 72,3 шқ. құрылыс пен қайта құру, 146,7 шқ. елді мекендердің көшелері орташа жөндеумен қалпына келтірілетін болады.

Жаңа асфальтты немесе бетонды жолды салу негіздің орнықты қабатынан бастап дәл тегістелген тозу қабатына дейін жол жабынының үздік байланыстырылған құрылымын дайындауды қажет етеді.


ОҚО әкімінің баспасөз қызметі

321 рет қаралды

Пікір жазу