"Жебе" ақпараттық cайты

"Нұр Отан" партиясының жобалары

ЖҮК КӨЛІКТЕРІ ҚАТАҢ БАҚЫЛАУДА

Жексенбі, 21 Тамыз 2016 16:39

 

ОҚО-да жергілікті полиция қызметкерлері жүк көліктеріне бақылауды күшейтті. Осы жылдың 1–тамызынан бастап ОҚО ІІД Жергілікті полиция қызметінің өкілдері  облыс бойынша көліктік бақылау инспекциясымен  бірге  Оңтүстік Қазақстан облысы көлемінде көліктердің техникалық жағдайын қатаң тексеру және жүк көліктері жүргізушілерінің ҚР ЖҚЕ талаптарын сақтауын бақылау мақсатында  «Нөлдік қауіптілік»  жедел-алдын алу  іс–шараларын жүргізуде.

Мәселен, аталған іс-шара шеңберінде 17 тамыз күні  Ақдала–Арыс – Бадам ауданаралық автожолын бақылауға алған  ОҚО ІІД ЖПҚ Жол-патрульдік  полиция полкінің қызметкерлері  ондағы жүк көліктеріне тексеру жүргізіп, жол қозғалысы ережелерін бұзудың 28 дерегін анықтады.

Атап айтар болсақ, автокөлікті басқару кезінде ұялы телефон қолданудың – 6 дерегі, қауіпсіздік белдігін тақпағанның – 5 дерегі, күндізгі жарық шамдарын қоспағанның –7 дерегі,  техникалық байқаудан өтпегеннің – 4 дерегі, маневр жасау ережелерін бұзудың –1 дерегі бойынша әкімшілік хаттама толтырылып, жүргізушілер жауапқа тартылды. Сондай-ақ,  арнайы рұқсатсыз белгіленген мөлшерден тыс жүк тиеген  3 жүк көлігі ақылы айыптұраққа тоғытылды.

Облыстың автожолдарындағы жалпы қозғалысты бақылауға алған жергілікті полицейлер «Нөлдік қауіптілік» жедел-алдын алу іс-шарасы аясында жүк және жеңіл көліктермен жол қозғалысы ережесін бұзушылықтың 7000-нан астам дерегін әшкереледі. Аталған іс-шараның жалғасуы жоспарлануда.

Жалпы, жол сақшыларының аталған шараға ерекше мән беріп, жүк көліктері жүргізушілеріне қатаң талап қоюуы, оларды біршама тәртіпке шақырғандай болды. Себебі жол –көлік оқиғасына себепкер болатын да көп жағдайда осы жүк көліктері.  Полицейлердің айтуынша, соңғы уақытта техникалық байқаудан өтпеу фактілері тіптен жилеп кеткен көрінеді.  Сондықтан мұндай жедел-алдын- алу шаралары заңсыздықтарды дер кезінде әшкерелеуге мүмкіндік береді.

243 рет қаралды

Пікір жазу