"Жебе" ақпараттық cайты

"Нұр Отан" партиясының жобалары

ОҚО-ДА ЖАСТАР АРАСЫНДА СПОРТТЫҚ ТУРНИР ӨТТІ

Жексенбі, 21 Тамыз 2016 17:03

 

Оңтүстік Қазақстан облысында  ел Тәуелсіздігінің 25 жылдығына және 30 тамыз–Қазақстан Республикасының Конституциясы күніне  орай, облыс жастары  арасында «Спорт бізді біріктіреді» атты турнир өтті.

Елбасының Жолдауында айтылған бұқаралық спортты дамыту тапсырмасы бойынша және жастардың бос уақытын тиімді пайдаланып, салауатты өмір салтын қалыптастыру мақсатында өткен шараға 15 аудан, қаладан 300-ден аса спортшы қатысты.

Облыс деңгейінде үшінші рет ұйымдастырылып отырған жарыста спортшыларымыз  футбол, волейбол, шахмат ойындарынан бақ сынасты.

Нәтижесінде: футбол ойындарынан бірінші орынды - Арыс қаласы алса, волейбол ойындарынан І орынды Түркістан қаласының спортшылар иеленді. Ал шахмат ойындарында  Қазығұрт ауданы жүзден жүйрік шығып, І орынды қанжығаларына байлады.

Оңтүстік Қазақстан облысы жастар саясаты мәселелері жөніндегі басқармасының «Жастар ресурстық орталығы» КММ-нің 3 жыл қатарынан ұйымдастырылып келетін спорттық турнирге 5 мыңға жуық жас спортшылар қамтылған.

Жалпы, Оңтүстік Қазақстан облысында 15 аудан, қаладан спорт саласындағы талантты жастар саны 2016 жылдың жарты жылдық қортындысы бойынша  120 416-ға жетіп отыр. Ал салауатты өмір салтын қалыптастыру мақсатында облыста жыл басынан бері  968 түрлі іс-шара өтті.

Жастардың спортқа деген қызығушылығын оятып ғана қоймай, өскелең ұрпақтың сау да, сымбатты болуына көңіл бөлінуі мемлекет саясатының бір бағыты болып есептеледі. Өмір Ең бастысы жастарға салауатты өмір салтының оң нәтижесін насихаттай білу маңызды.
 

 

ОҚО әкімінің баспасөз қызметі

363 рет қаралды

Пікір жазу