"Жебе" ақпараттық cайты

"Нұр Отан" партиясының жобалары

«CONNECTION POINT» ҚАНШАЛЫҚТЫ ТИІМДІ ? ...

Дүйсенбі, 05 Қыркүйек 2016 15:29

 

Оңтүстік Қазақстан облысындағы Халыққа қызмет көрсету орталығы «Connection point» өзіне-өзі қызмет көрсету секторлары бойынша 7 айда 511 мыңнан астам азаматқа кеңес берген.

Осы уақыт ішінде халықтың компьютерлік сауаттылығын көтеру мақсатында облыстың 309 211 тұрғыны электрондық санды қолтаңба алған. Олардың барлығы «Connection point» өзіне-өзі қызмет көрсету секторларындағы Электрондық үкімет порталы арқылы мемлекеттік қызметтерді қолдана алады.

Аудандардағы елді мекендерге шыққан Мобильдік ХҚКО-ы 1 мыңға жуық шығыс жасап, осының шеңберінде 36324 мемлекеттік қызмет алынды. Ал 1414 бірыңғай байланыс орталығы арқылы мүмкіндігі шектеулі тұлғаларға 1926 мемлекеттік қызмет көрсеткен.

Сондай-ақ, есту және сөйлеу қабілеті нашар азаматтарға мемлекеттік қызметтерді кедергісіз алулары үшін әрбір бөлімде сурдоаударма инспекторлары жұмыс жасайды.

Мемлекеттік қызметтерді үйінде 1 және 2 топтағы мүгедіктігі бар тұлғалар алатынын атау қажет. Мұндай шығуларда Мемлекеттік корпорация ХҚКО қызметкері құжаттарды қабылдау және беру, электрондық санды қолтаңба жазу ал қажет болған жағдайда клиенттерге электрондық үкімет порталы арқылы өздігінен мемлекеттік қызметтерді алуға үйретеді.

Бүгінде сұранысқа ие электрондық анықтамалар олар: мекенжай анықтамасы, жылжымайтын мүліктің бар немесе жоқтығы туралы анықтама және зейнетақы аударымдары туралы анықтама мен ҚР азаматтарының жеке куәліктерін рәсімдеу үшін өтініштері болып отыр.

 

ОҚО әкімінің баспасөз қызметі

249 рет қаралды

Пікір жазу