"Жебе" ақпараттық cайты

"Нұр Отан" партиясының жобалары

МАҚТАРАЛДЫҚТАР 110 МЫҢ ТОННА «АҚ АЛТЫН» ЖИНАДЫ

Бейсенбі, 06 Қазан 2016 04:58

 

 

 

Мырзашөлдік шаруалар мақта қырманын «ақ алтынға» толтырып жатыр. Ақ мақтаны қыркүйек айынан бастап тере бастаған қожалықтар бүгінге дейін 53 мың гектар мақталықтан 110 мың тонна шитті мақта жинап үлгерді. Оның 44 мың тоннаға жуығы қолмен терілсе, 66 мың тоннадан астамы арнайы техникамен жиналған.

Түсімділік те көңіл көншітеді. Әр гектардан болжамдық шамамен 24,1 центнерден «ақ алтын» алынуда. Бүгінге дейін жалпы мақталық алқаптарының 64 пайызын жинаған мақташылар бірінші терімді аяқтап, екінші терімге көшуде. Ол үшін аудан көлемінде 297 дана түрлі комбайндар мен 10 мыңнан астам адам мақта терім науқанына қатысуда.

«Мақтаның бағасы биыл жаман емес. Келісін 155-160 теңгеден өткізіп жатырмыз. Өнімділігі де жылдағыдан айтарлықтай жоғары. Құдайға шүкір, биыл бір байып қалатын болдық», - дейді шаруа Алдан Сәрсенбаев.

Айта кетейік, биыл мақтаралдық шаруалар мақта алқаптарының көлемін жылдағымен салыстырғанда 6 мың гектарға арттырып, 83 мың гектар жерге мақта шитін екті. Жиын-терім науқанының соңына дейін Мырзашөлде 200 мың тоннадан астам ақ мақта жинау күтілуде.   

Естеріңізде болса, былтыр Мақтаралда  77 мың гектар алқапқа шит себіліп, 192,3 мың тонна ақ ұлпа жиналған болатын. Аудандағы мақтаның гектар өнімділігі 25 центнерді құраған. Барлық өнімнің 108,1 мың тоннасы немесе 56,2 пайызы аудандағы 280-нен астам мақта теру комбайндарының күшімен жиналған еді.

 

 

ОҚО әкімінің баспасөз қызметі

231 рет қаралды

Пікір жазу