"Жебе" ақпараттық cайты

"Нұр Отан" партиясының жобалары

ОҢТҮСТІК ЖАЙДАРМАНШЫЛАРЫ ЕЛОРДА ТӨРІНДЕ

Сенбі, 15 Қазан 2016 09:04

 

Бүгін Астана қаласындағы «ЖАСТАР» сарайында Қазақстан Республикасы Тәуелсіздігінің 25 жылдығына орай Астана қаласындағы  «Қуатты өңір – қуатты Қазақстан» атты Оңтүстік Қазақстан облысы күндерінің аясында  жайдарман ойыны өтті. 

Жастардың бойына рухани адамгершілік қасиеттерді ұялататын, шығармашылық қабілеттері мен өнерге деген құштарлығын арттыратын шарада қонақтар мен көрермендерге Оңтүстік Қазақстан облысынан келген үздік 8 топ өз өнерлерін көрермен назарына ұсынды. 

 

 

Аталмыш шараға арнайы шақырылған қонақтар, Қазақстан Республикасы Білім және ғылым министірлігінің Жастар саясаты департаментінің  өкілдері және Астана қаласының тұрғындары мен жоғары және орта арнаулы оқу орындарынан 1 мыңға жуық студент жастар және бұқаралық ақпарат құралдарының өкілдері қатысты.

Айта кетейік, жалпы қазақша КВН-нің арнайы біріншілігі 1999 жылы оңтүстіктен өз бастауын алған. Ал «Қазақстан КВН одағы» 2005 жылы құрылған болатын.

Оңтүстік Қазақстан облысында 14 пен 29 жас аралығында 800-ге жуық жас бар.  Ал облыстағы 12 жоғары және 92 орта арнаулы оқу орындарында 66 513 студент білім алуда.

Қазақша Жайдарман аталған оқу орындарындағы  белсенді, талантты жастар Елорда тұрғындарына көтеріңкі көңіл күй мен жарасымды  әзіл сыйлады. 

Жалпы оңтүстіктің жастары өнерлі, соның ішінде ұлттық өнердің барлық қырын меңгерген. Оны талай халықаралық, республикалық ірі байқауларда талай рет дәлелдеп те жүр. Көңілділер мен тапқырлар байқауы да еліміз бойынша оңтүстік жастары үнемі суырылып алда тұрады.

 

ОҚО әкімінің баспасөз қызметі

207 рет қаралды

Пікір жазу