24Қыркүйек2017

"Жебе" ақпараттық cайты

"Нұр Отан" партиясының жобалары

ОҚО ӘКІМІ ТҮРІК КӘСІПКЕРЛЕРІМЕН КЕЗДЕСТІ

Сәрсенбі, 19 Қазан 2016 12:28

 

 

ОҚО әкімі Жансейіт Түймебаев түркиялық «Эксперт пейзаж» компаниясының жетекшісі Билал Тарик Дедемен кездесті. Басқосуға облыс әкімінің орынбасары С.Тұяқбаев пен аталған түрік компаниясының өкілі Алабажак Чинан қатысты.

Екеуара әңгімеде тараптар бауырлас елдердің түрлі салалардағы ынтымақтастық жұмыстарын сөз етіп, алдағы уақытта да бұл үрдістен жаңылмауға уағдаласты. Оңтүстік Қазақстан облысының инвестициялық әлеуетімен танысқан қонақтар облыс жетекшілігіне абаттандыру жұмыстарымен айналысатын «Эксперт пейзаж» компаниясының ландшафтты дизайн қызметін ұсынды.

Өз кезегінде, өңір басшысы аталған ұсынысты оң қабылдап, компанияның қызметін облыстағы көріктендіру жұмыстарына пайдалану үшін облыстық сәулет және қала құрылысы басқармасы мен облыстық кәсіпкерлік, индустриалды-инновациялық даму және туризм басқармасына туризмді дамыту бағыты бойынша тиісті ұсыныс енгізуді жүктеді.

Айта кетейік, «Эксперт пейзаж» компаниясы Түркияның Анталия қаласындағы абаттандыру жұмыстарының 40 пайызын жасап келе жатқан белді серіктестік.

Жалпы республикамыздың барлық өңірлеріне инвестиция тарту ісі мемлекеттік тапсырма болып белгіленгенін бәріміз білеміз. Қазір осы бағытта еліміздің әр аймағына нақты жоспарлар мен іс-шаралар қолға алына бастады. Арнайы бағдарламалар құрылып, инвесторларды мейлінше көптеп тарту тетіктері қарастырылып жатыр. Оңтүстік Қазақстан облысы шетелдік инвесторлар тарту бойынша өндіріс саласы мен туризмді дамытуда алда келеді.

 

 

ОҚО әкімінің баспасөз қызметі

328 рет қаралды

Пікір жазу