"Жебе" ақпараттық cайты

"Нұр Отан" партиясының жобалары

ШҚО-ДА ТАЕКВОНДОДАН ҚР ЧЕМПИОНАТЫ ӨТУДЕ

Жұма, 09 Желтоқсан 2016 06:54

 

Өскеменде таеквондодан жастар арасында ҚР Чемпионаты басталды. Ел тәуелсіздігінің 25 жылдығына арналған сайысқа барлық аймақтан жалпы саны 310 спортшы қатысуда.

Шараның ашылу салтанатында ҚР Таеквондо федерациясының вице-президенті Арман Шылманов федерация басшылығы атынан ШҚО Дене шынықтыру және спорт басқармасына таеквондо спортының дамуына қосқан үлесі үшін алғыс айтып, басқарма басшысы Асқар Можановқа алғыс хат табыстады. 

 

 

– Шығыс Қазақстанда барлық спорт түрінің, соның ішінде таеквондоның дамуына толықтай жағдай жасалуда. Аймақта спорт мектептері ашылып, жаттыққан спортшылар аймақ, ел намысын түрлі сайыстарда қорғап келеді. Сол сияқты бүгінгі жарысқа қатысып, бақ сынап отырған әрбір спортшыға сәттілік тілеймін, – деді Асқар Можанов.

Таеквондо федерациясының ШҚО бойынша президенті Мирхат Болатхановтың айтуынша, бұл тек ел чемпионаты ғана емес, Азия чемпионатының іріктеу сыны болып табылады. Сайыста жеңіске жеткендер келер жылы Оңтүстік Кореяда өтетін Азия Чемпионатында ел намысын қорғамақ.

192 рет қаралды

Пікір жазу